Төв аймаг Эрдэнэ сум Өгөөмөр 1-р баг "Цонжин болдог” гэх газар өчигдөр 19:18 цагийн орчимд асфальтан замд Toyota prius маркын хоёр автомашин мөргөлдөж 4 сартай хүү эндсэн зам тээврийн ноцтой осол гарчээ. Мөн ослын үеэр хоёр хүн гэмтсэн байна.

Иймд жолооч та бүхэн орон нутгийн замд хөдөлгөөнд оролцохдоо зам, орчны байдалд хурдаа зөв тохируулах, жолооч, зорчигч нар хамгаалах бүс хэрэглэх, хүүхдийг зориулалтын суудалд тээвэрлэж байхыг анхааруулж байна.

Жолооч таны анхаарал болгоомжгүй хийсэн ганцхан үйлдэл бусдад ямар их аюул, харуусал дагуулдгийг бүү март.