Ардын засгийн газраас түүнийг 1923, 1924, 1927 онуудад тусгай үүрэг гүйцэтгүүлэхээр Хятад улс руу томилон илгээсэн байдаг юм. Ардын эрхт Монгол Улсын гадаад байдал түгшүүртэй байсан тэр үед тэрээр гадаад орны байдал, улс төрийн зүтгэлтнүүдийн санаа бодол, эрмэлзэллийг тандан мэдэх даалгаврыг гурван удаа амжилттай биелүүлж, тухай бүрт чухал мэдээ сэлт олж ирж байсны зэрэгцээ гадаадад амьдарч буй нөлөө бүхий Монгол гаралтай хүмүүстэй холбоо тогтооход ихээхэн хувь нэмэр оруулсан хүн юм.